琴晚收到消息，其實我真係好擔心究竟會衍生咗幾多個可能性出嚟，每個可能性都有機會會發生，我成日都覺得自己係有責任去幫你解決所有嘅嘢，我並唔係大男人，而係我永遠都想，當你遇到任何難題嘅時候，我永遠都可以協助到你。

但係呢一個擔心，當諗嘅嘢越嚟越多，憂心嘅事情就越嚟越多，令到我成晚都瞓唔着，喺張床上面都輾轉反側，一時又覺得好熱，一時又覺得好凍，去到最尾我真係唔知幾點鐘自自然然咁就瞓着咗，第二朝早起身其實都冇乜精神，或者可以咁講，我根本就好似冇瞓過咁，個人係攰到一個點。

就係呢個原因，我知道我今日要休息一日，但係我真係瞓唔返，再加上約咗你食lunch，我成個人都醒晒神，因為我可以送件禮物俾你啦，我知道你一定會好鍾意。我就特登喺地鐵入便到送俾你，因為我知道之後冇時間可以再俾我送俾你，我唔介意身邊其他人點睇，我淨係知道當你坐低咗喺個位嗰度嘅時候，而我有企喺度，呢個就係最好嘅moment，我可以將條鏈掛落去呢條頸度。我又見到你偷偷地笑㗎，我個心都即刻溶化晒，真係超開心。

食完嘢之後，我發現我冇晒電，所以我一返到去屋企之後就即刻瞓覺瞓到6:00，充足晒電。不過既然決定得今日係休息日，就比自己去休息一下啦，聽日就要開始新嘅一日，Working mode，你都要加油呀。

Work hard, Play hard.