一年一度嘅母親節，好多時都係同阿媽一家人出去食餐飯，通常我呢個日子都冇乜特別嘢會做，記住喺通常，今日我有一啲好重要嘅嘢要去做，究竟係點乜嘢呢？就係我之前親手設計嘅吊墜出世啦。

我自己覺得做得好好㗎，呢樣嘢都有意思嘅，當然我知道有啲人會覺得唔係咁好睇，但係對比我設計諗出嚟嘅嘢，基本上係100%呈現咗出嚟，我真係好少有呢個100%嘅感覺，好多時設計一樣嘢，做出嚟可能只係得八成、九成。我從來未試過設計一樣嘢，由諗法、去到實行出嚟，會係100%。

我希望你收到呢100%會開心，會珍惜，因為我真係全心全意咁樣做出嚟㗎。

如果你真係鍾意嘅，我絕對會為你去做一個系列出嚟添。

我相信冇人敢做首飾俾你㗎，話晒你都係老行尊，但其實以我一份咁鍾意創新嘅人嚟講，可能我做出嚟嘅都會帶到俾你一啲衝擊㗎。有多啲新嘢嘅衝擊，對你嚟講都係有好處㗎。我希望聽日我可以親手為你帶上，再親身感受你開心嘅感覺。

今日係母親節，祝願所有嘅母親都開開心心快快樂樂。

Love you。