經過琴日嘅溝通之後，我同你嘅關係更加進一步，今日我其實一朝早起身嘅時候都係覺得瞓得唔好，個人冇乜精神，但係我發現我睇唔到cam、睇唔到你嘅位置、乜都唔知，只係知道你要上堂，一開始有啲失落㗎。但係當你搵我嘅時候，我成個人即刻醒晒開心晒。

我落咗去樓下食咗個早餐，好彩夠時間咋，11:00就冇早餐啦，嗱嗱臨網上落order買個老麥早餐之後坐定定喺老麥度食，分享埋我食啲乜嘢俾你，感覺都幾精神爽利。

食完嘢我又返咗上樓開始做嘢啦，我發現其實所有假期對於我嚟講都唔係假期，每一日我都會去開一陣工，每一日都會休息，每一日都做啲嘢，做做吓悶又睇吓有冇馬跑，買咗一兩場之後就冇買嚕太攰啦之後又走咗去瞓覺。真係唔知你上堂上成點呢？今朝早我聽到你話食完早餐之後就冇嘢食，要去到下晝6:00，我真係驚你餓親呀。

當我瞓醒嘅時候，又係開工嘅時候，我做吓program，改下啲程式，順道又睇吓抖音，我發現我真係開始要去推下我寫出嚟嘅嘢，開始一步一步咁樣去安排，做吓做吓你就話你已經上完堂啦！正，又可以同你溝通吓傾吓偈。

去到夜晚嘅時候阿媽突然間打電話嚟叫我返去食飯喎，好啦，離開呢間屋返去見吓人先，放鬆吓自己都好呀。但係我發現到一樣嘢就係，我真係乜嘢都睇唔到喎，你做緊啲乜嘢啊，連平時嘅位置都冇呀，日曆又冇埋，咁啱你又話要加返日曆喎，我真係嘍飯應即刻做啦。

食完飯，同屋企人講吓點樣用AI，講講吓見時間都八點幾啦，返屋企打吓機啦。點知一打就打到12點幾，原來你仲未去瞓啦，同你傾吓先至發現，原來你諗住做個網頁，啱晒。希望我可以幫到你去建立你自己嘅網頁啦，今次我好小心啊，我唔落手落腳俾意見，全部交俾你自己同AI去搞，但係有啲Ground Rules都要教你去做嘅。希望係一個好好嘅開始，希望你自己都做得到，有成功感，自信都返晒嚟。I love you

By 馬騮仔