等咗好耐嘅日子，終於你諗啦， 今日終於可以同你返去深圳，雖然我哋之前都有好多嘢溝通上面嘅誤會，但係其實我覺得真係大家每個人對對方嘅要求層次上面有分別，所以其實成個行程，無時無刻都保持住隔膜。

雖然係有隔膜，但係原來只要互相都肯願意講出嚟，我哋都應該要互相去接受同感受對方嘅訊息，不過我哋其實真係有好多嘢都係Sync.點解咁講？星期三晚我同個客人出咗去打邊爐，竟然冇蝦食，都唔知幾想食蝦，點知原來你都想食喎，雖然可能你覺得我係就住你，但係其實我想話俾你聽，嗰晚我真係好想食蝦㗎。喺深圳搵咗幾間有得食白灼蝦，笑料就嚟啦，竟然係外賣店嚟㗎，咁我哋可以去邊度食啊？ ？好彩最後都搵到間潮州嘢，佢有兩款白灼蝦，一款係膏蝦，一款係基圍蝦，我哋各要咗一碟，嗰啲咁嘅膏蝦，我真係發誓以後都唔會再叫，啲膏酸架，蝦肉有冇味，好彩基圍蝦都叫正正常常。

食完我哋就返咗香港啦，因為原來星期三我食錯嘢，今次嘅大陸之旅其實我忍咗好耐，就係肚痛，去到後期其實仲有少少燒添，我返到屋企之後就淨係做三樣嘢，食包、屙、同埋瞓覺，連續做咗兩日，好彩而家拎應該7788好返啲。

我知道今日你會帶女女去沙灘度玩，其實我都好想跟埋去㗎，扮偶遇都好呀，可惜我真係行唔郁啊，腳仔軟，真係無能為力。 期待下次。

呢幾日你多啲休息啦，會比較攰，愛你唷。