（甜） 你返嚟啦，望穿抽水嘅日子到咗啦！我哋約咗今日一齊食午餐，時間剛剛好我哋一齊搭車，一齊去食嘢，仲要係大家都想食嘅醬油蟹，真係好開心，但係突然間有啲突發情形喎，就係原來嗰間舖頭係會有落場時間㗎，好彩時間都仲搞我哋食飯。我等咗呢日好耐啦，成個復活節假都見你唔到。呢一檔韓國嘢食應該係幾好味㗎，佢嘅醬油蟹同埋醬油蝦都好特色，佢個飯鋪滿晒紫菜，係嫌個飯少啲啫，食得唔係太飽，有機會嘅話真係要同你喺度食餐晚餐。

（辣） 喺我同你搭車出去食嘢嘅時候，我同你講，工作上面其實你都幾強硬，事緣係因為一個大家都釐清唔到嘅問題，而我收到嘅感覺就係唔開心，因為我俾人誤會，我覺得係工作上面，既然你曾經要求過方法係要揸正嚟做，我喺呢個時候就做返揸正嚟做。乜嘢叫揸正嚟做？就係好努力咁樣去表達出我冇做錯嘢。但係原來呢個moment並唔係討論呢一樣嘢嘅嘅時候，所有嘅開心都突然間消失得無影無蹤，換來嘅自然係唔開心，好對唔住，我做錯啦。

（酸） 我呢度講嘅酸味，係辛酸，係為你而覺得酸。你同我分享，你冇為自己做過啲乜嘢、你為我做嘅嘢我並唔了解、我為你做嘅嘢你亦都唔覺得係為你而做。聽完我並唔係感到要為自己傷心難過，而係感覺到你嘅辛酸。原來一個人冇為自己做過啲乜嘢，喺其他人眼中可能會覺得呢個人好可憐，而在於我嘅角度嚟講，我有失敗嘅感覺，同時亦都令到我更加珍惜你，想去愛護你，更加想用盡一切方法去令你感受到愛自己嘅感覺。

（苦） 苦並唔係真正嘅苦，而係苦盡甘來嘅苦，我相信只要我哋堅持，只要我哋繼續去感受對方嘅心情，去明白對方嘅用意，所有嘅人，事都會苦盡甘來，凡事感恩、凡事相信，冇嘢係可以難得到我哋㗎，我哋朝着同一個方向走，一定可以有明天。

我希望你可以充足電，我希望我自己電力持久。睇得明就明，睇唔明就問我啦。愛你唷！